आज काय कराल?

*  बरेच दिवस रेंगाळलेल एखाद काम पूर्ण करा .  

*  कुणाची तरी एखादी गरज पूर्ण करून त्याला आश्चर्य चकित करा . 

*  काहीतरी नवीन शिकण्याचा प्रयत्न करा . 

*  ज्याला गरज असेल त्याला  तुमच्या साथीचा / सहवासाचा लाभ द्या . 

*  जे तुम्हाला येत असेल ते इतरांना शिकावा . 

*  विरोधकांची मते समजून घ्या 

*  कुणाचीतरी मनःपूर्वक प्रशंसा करा 

*  ताजेतवाने होण्या साठी थोडे चाला किंवा व्यायाम करा 

*  तुमच्या घराची स्वच्छता / आवरा आवर करा 

*  एखाद्या गोष्टी बद्दलची मनातील भीती बाजूला सारून धैर्याने तिला सामोरे जा 

*  कुणाचे तरी मनापासून आभार माना 

*  इतरांचे विचार ऐकून घेण्याचा मनापासून प्रयत्न करा 

*  मजे साठी एखादी गोष्ट करा 

*  स्वतः करिता व आपल्या आस पास असलेल्या माणसांकरिता सहनशील राहण्याचा प्रयत्न करा 

जीवनात अशा प्रकारे प्रत्येक दिवस नवीन कल्पना , आशा आकांक्षानि परिपूर्ण जगा . गेलेला 

क्षण परत येणार  नाही त्यामुळे प्रत्येक क्षणाचे मोल जाणा आणि आयुष्य सुंदर करा!

कडू कारले

Bitter Guard

कारलं किती "तुपात तळल आणि साखरेत घोळल तरी कडू ते कडूच "हे  जरी खर असलं 

तरी असं कडू कारलं बहुगुणी आणि बहुउपयोगी आहे यात शंका नाही . तुम्हाला आता 

प्रश्न पडला असेल कि सोबतचे चित्र कशाचे आहे? ते कारलेच आहे. परवा भाजी साठी 

कारली आणताना चुकून एक पिवळी छटा आलेलं कारलं भाजीतून आलं . ते न चिरता 

तसच ठेवलं आणि दोन दिवसात त्याने आपला रंग बदलला , तो असा! 

कारलं चवीला जरी कडू असलं तरी निरोगी जीवनासाठी हे एक उत्तम वरदान आहे 

असं म्हणायला काहीच हरकत नाही . हि माहिती मी खास अशांसाठी देते आहे ज्यांना 

कारलं अजिबात आवडत नाही  परंतु हे वाचल्यावर कदाचित ते खाण्याची इच्छा त्यांना 

होईल . 

साखरेचे रक्तातील प्रमाण कमी करण्या साठी कारल्याचा उपयोग होतो.  कारल कमी कॅलरी 
असणारी भाजी आहे.  म्हणजे फक्त १७ कॅलरी प्रती १०० ग्रॅम . परंतु यात फायबर, मिनरल्स 
आणि विटामिन यांचे प्रमाण चांगले असते. पचनशक्ती वाढवण्यास मदत करते आणि 
बद्धकोष्ठ दूर करते. 

कारल्याचा ज्यूस  योग्य प्रमाणात सेवन केल्यास मधुमेहात फायदा होतो. 

कारल्याचा जूस कसा करावा : 

हिरवी कारली व्यवस्थित धुवून घ्यवित. त्याचे बारीक तुकडे करून , योग्य 

प्रमाणात पाणी मिसळून मिक्सर मधून वाटून घ्यवित. लिंबाचा रस व मीठ घालून रस ढवळून घ्यावा . 

सकाळी अंशपोटी (काहीही न खातापिता ) या रसाचे सेवन करावे . 

कारल्याचे अति सेवन करू नये . तसेच ज्यांना याची अलेर्जी असेल त्यांनी याचे सेवन करू नये. 

जीवन आनंद !!!

नेहमी चांगल द्यायचा प्रयत्न करा! जेव्हा तुम्ही देऊ शकता त्या पलीकडे जाऊन 
देण्याचा तुम्ही प्रयत्न कराल त्यावेळी तुमच्या श्रीमंतीला पारावर उरणार नहि. 

या साठी फार मोठे प्रयास किंवा  स्पर्धा या गोष्टींची गरज नसून केवळ मनाचा 

मोठेपणा  आणि कृतीची गरज आहे. तुम्ही जितके सचोटीने आणि प्रामाणिकपणे  

वागाल तितक्याच सहजतेने तुम्ही जे कर्म करत आहात त्याचे उत्तम फळ तुम्हाला 

मिळेल .  तुमच्या कडे जे काही आहे त्याबद्दल तुम्ही जितके कृतज्ञ असाल 

तितका अधिक आनंद त्यातून तुम्हाला मिळेल किंबहुना तुमच्या कडे जे काही आहे 

त्याची किंमत वाढेलजर तुम्ही सतत दुसर्याचा गैरफायदा घेण्याच्या प्रयत्नात असाल 

तर तुम्हीच तुमची किंमत कमी करून घेत आहात असे समजा . 

असे न करता शक्य असेल तितकी सेवा देण्याचा प्रयास करा, ते तुम्ही जस जस करत 

जाल तसं तसं तुमच्या लक्षात येईल कि तुमच्या जीवनातील अनेक गोष्टी सहजतेने 

आणि अनाहूत पणे  पूर्ण होतिल. जीवनात सतत उत्तम गोष्टी देण्याचा आणि घडवण्याचा 

हेतू मनात ठेवून कार्य करत राहा तस केल्यास तुमच जीवनही तुमच्याशी तितकंच  

एकनिष्ट असेल यात शंका नहि. 

बहावा

Bahawa

वीस दिवसांपूर्वीच एका प्रसिद्ध वृत्तपत्रात "बहावा फुलाला नाही , या वर्षी उशीरा च 

फुलण्याचा योग आहे" असा तक्रारीचा सूर वाचायला मिळाला . परंतु आनंदाची 

गोष्ट अशी कि आज मी बहावा बहरलेला पाहिला . नेहमी प्रमाणे आक्सा बीच 

वरून परतण्याच्या वाटेवर त्याला पाहण्याचा योग आला .  बहाव्याच पिवळा रंग 

पाहून खरच मन प्रसन्न झालं  . गाडी रस्त्याच्या कडेला लावून माझ्या मोबाईल 

च्या कॅमेरात जमेल तसा त्याला टिपायचा प्रयत्न केला .  

बहावा पावसाची चाहूल घेऊन येतो असं म्हणतात . हवेत उष्मा बर्याच अंशी वाढला 

आहे आणि राज्यातील दुष्काळ ग्रस्त परिस्थिती दिवसेंदिवस भयावह रूप घेते आहे. 

बहरलेल्या  बहाव्याने मनात आशेची पालवी फुलली आहे. या वर्षी तरी पाऊस योग्य 

वेळेत सुरु होऊन , योग्य ठिकाणी , योग्य प्रमाणात पडेल अशी प्रार्थना आपण सर्वांनी 

करूया . हे सर्व जरी घडलं तरी पाण्याचे योग्य नियोजन आणि योग्य वापर करण्याची 

जबाबदारी आपलीच आहे. प्रत्येक वर्षी मुबलक पाऊस पडेलच याची खात्री देता  येणार 

नाही परंतु योग्य नियोजन केल्यास पाण्याअभावी गाव ओस पडणार नाहीत 

आणि आयुष्य उध्वस्त होणार नाहीत हे नक्की .  

उत्तम मिसळ मिळणारी ठिकाणे

Misal

१)अण्णाबेडेकर, पुणे
२)मनशक्तीके॑द्र, लोणावळ
३)मामलेदार, ठाणे
४)मून मून मिसळ, डो॑बिवली
५)संजिवनी-माडिवाले कॉलनी, टिळकरोड
६)रामनाथ-साहित्यपरिषदेजवळ , टिळकरोड
७)श्री-शनिपाराजवळ पुणे
८)नेवाळे- चिंचवड
९)जयश्री-बजाजऑटोसमोर - अकुर्डी.
१०)दत्तस्नॅकस , पळस्पेफाटा.
११)कुंजविहारी, ठाणे स्टेशन
१२)जुन्नर बसस्थानक.
१३)फडतरे, कलानगरी.
१४)अनंताश्रम, जेलरोड, इंदौर
१५)गोखलेउपहारगृह, ठाणे
१६)भगवानदास, नाशिक
१७)फडतरे मिसळ कोल्हापुर
१८)गरवारे कॉलेजसमोर काटाकिर्र, पुणे
१९)प्रकाश, दादर
२०)दत्तात्रय, दादर
२१)वृंदावन, दादर
२२)आस्वाद, दादर
२३)आनंदाश्रम, दादर
२४)मामा काणे, दादर
२५)आदर्श, दादर
२६)समर्थ दादर(पूर्व)
२७)माधवराव, सातारा
२८)विनय (गिरगाव)
२९)बालाजी स्नँक सेंटर चिंचवड
३०)शामसुंदर-सातपुरएमआयडीसी (अतिशयसुंदरमिसळ) नाशिक
३१)अंबिका -पंचवटीकारंजा (काळ्या मसाल्याची मिसळ) नाशिक
३२)तुषार -कोलेजरोड (गोड ब्राह्मण मिसळ ) नाशिक
३३)कमलाविजय -दहिपुल (ब्राह्मण मिसळ) नाशिक
३४)गारवा - अंबड (लालमिसळ) नाशिक
३५)अलंकार -मेनरोड (मिसळी पेक्षा वडारस्सा मस्त) नाशिक
३६)गुरुदत्त-शिंगाडातलाव (कच्चा मसाला मिसळ) नाशिक
३७)मिसळ पाव सेंटर - नेहरुउद्यान (रिक्षावाल्यांचा फर्स्ट चोइस) नाशिक
३८)श्रीकृष्ण -तु ळशीबाग, पुणे
३९)वैद्यउपाहारगृह - फडकेहौद चौकाजवळ,बुधवार्/रविवारपेठ , पुणे
४०)खासबागची मिसळ कोल्हापुर
४१)चोरगे मिसळ कोल्हापुर
४२).बावड्याची मिसळ कोल्हापुर
४३)मोहनचीमिसळकोल्हापुर
४४)टेंबेउपहारगृह-ठाकुरद्वार,
४५)छत्रेउपहारगृह-मुगभाटलेनच्यादारात.
४६)प्रकाश (जोगळेकर),सिक्कानगर -फडकेवाडीमंदिरासमोर
४७)सर्वोदय लंच होम ...करिरोड पुलाखाली (डिलाइलरोडचीबाजू)
४८)लोअरपरळस्टेशन (पश्चिम)च्याबाहेरपडल्यावरनेताजीलंचहोम
४९)बाजीराव रोडवर भिकारदासमारोती जवळ, Pune तापीक

सौजन्य: आदित्य मोडक 

तुम्हाला कस आयुष्य जगायचं आहे?

cake

तुम्ही खरच याचा विचार कधी केला आहे का? आपल्या आसपास उपलब्ध असलेल्या 

गोष्टींतून तुम्हाला नक्की काय आणि कस हव आहे या बद्दल निर्णय घेतला आहे का?

प्रत्येक मिनिटाला, प्रत्येक दिवसाला तुम्ही जे निर्णय घेत असता त्या वर तुमचे जीवन 

बर्याच अंशी अवलंबून असते. आयुष्यातील बर्याच गोष्टी आपल्या आवाक्या बाहेरच्याही 

असू शकतात परंतु त्या चवकटीतही  आपल्याला शक्य असतील असे योग्य निर्णय आपण घेऊ शकतो . 

तुमचा जीवनाकडे अशाप्रकारे पाहण्याचा दृष्टीकोन नक्कीच तुमच्या आयुष्यातच नव्हे तर या 

जगात एक वेगळे पण निर्माण करू शकतो. तुम्ही क्षणोक्षणी जे निर्णय घेत आहात त्यातून 

तुम्ही जीवनाच्या योग्य दिशेची वाटचाल करत आहात हे वेळोवेळी चाचपून पाहणे गरजेचे आहे. 

किंवा तुम्ही घेतलेल्या निर्णयांना तुम्ही योग्य तो न्याय देत आहात किंवा नाही हे जाणणे 

गरजेचे आहे.  निर्णय घेऊन शांत बसून कोणतेही कार्य साध्य होत नहि. कृती न करता आपल्या 

निर्णयाला नशिबाची साथ कधी मिळेल याची वाट पाहण्यात काही अर्थ नाहि . 

तुम्हाला हव तस तुमच आयुष्य घडू शकत. गरज आहे ती योग्य निर्णय घेण्याची 

आणि समर्थपणे त्या ध्येयापर्यंत पोहोचण्याची!

मराठमोळा आंबा आणि फणस !

Alphonso Mango

सध्या कोकणात कुणाकडेही गेल तरी स्वागत होत आंब्याच्या पन्ह्याने . थोडस काहीतरी तरी घ्या असं 

म्हणून पुन्हा आंब्याच्या फोडी नाहीतर ताजे गरे  समोर येतात . फारच झालं तर "आता जेवूनच जा असा आग्रह "झाला तर फणसाची भाजी , सांदण , पानात आंब्याचा रस, ताज्या आंब्याच लोणचं किंवा ताजा घातलेला मुरंबा , नाहीतर मग आंब्याच रायत किंवा कांदा आणि कैरी च लोणचं ,,,, यांनी ताट  सजत .  आमरस पुरीचा बेत म्हणजे कळसच ! बर निघताना मुलांसाठी आंबा पोळी, फणस पोळी , आंब्याच गोड लोणच असा खास खाऊ असतोच. असा हा खरा मराठमोळा आंबा आणि फणस  !

पण आता तो या पलिकडे ही जाऊन अनेक विविध रुपात शहरात सजत असतो. मिल्कशेक ,पुडिंग,आईस्क्रीम ,Mango विथ क्रीम , फ्रुटसलाड आणि बरच कहि.  विविध ठिकाणी "आंबा महोत्सव " साजरे होत असतात. विविध जातीच्या आंब्यांचा आस्वाद येथे घेता येतो.  एक गोष्ट मात्र नक्की कि ज्यावर्षी आंबा जास्त प्रमाणात उपलब्ध असतो त्या वर्षी लोक फणसा बद्दल फारस बोलताना दिसत नहित.  "अहो आंब्याच्या धंद्यातूनच वेळ मिळत नाही , फणसा कडे कुठे पाहणार" अस बोलताना मी बर्याच व्यापाऱ्यांना ऐकल आहे.  परंतु आंब्या प्रमाणेच फणस महोत्सवही साजरा करण्यास काय हरकत आहे? 

कोकणातील या काळातील हे आंब्या फणसाचे ऐश्वर्य खर्या अर्थाने कोकणी कष्टकरी माणसाला भरभरून
आरोग्य आणि संपत्ती देऊन जाते आणि त्याचा आस्वाद घेणाऱ्या प्रत्येकाला एक आंतरिक समाधान मिळते .  

परंतु आता हे ऐश्वर्य किती काळ टिकेल याची चिंता वाटू लागली आहे. ज्या जमिनीवर एके काळी आमराई होती तिथे आता बंगले , इमारती उभ्या राहताना दिसत आहेत. कोकणातही सिमेंटच जंगल उभ राहात आहे. याच पद्धतीत कोकणाचा तथाकथित विकास झाला तर या पुढे काही वर्षांनी देवगड हापूस आंबा आणि फणसाची खोटी फळे केवळ संग्रहालयात पहावी लागतील .  खर्या अर्थाने या बाबत विचार करण्याची 

हीच वेळ आहे. तुम्हाला काय वाटतं ?

विश्वासाने जगा !

Anand

जगातील खरा चांगुलपणा तुमच्यातच सामावलेला आहे. त्या चांगुलपणावर विश्वास ठेवा . 

जीवनाचा खरा आनंद तुमच्यातच सामावलेला आहे त्या आनंदावर विश्वास ठेवा. जीवन उत्तम जगण्याची खरी ताकद तुमच्यात आहे. तुमचा चांगुलपणा , आनंदी स्वभाव आणि उत्तम हेतू यातून तुम्ही जीवनात नाविन्यपूर्ण  सकारात्मक बदल घडवू शकता हे जग स्वर्गाहून सुंदर करण्याची जबाबदारी आपली आहे.  तुमच्या कृतीतून /व्यवहारातून तुमच्यातील चांगुलपणा प्रतीत होणे गरजेचे आहे. तुम्ही स्वतःच एक आदर्श ठरण्याचा प्रयत्न करा तुमचे जीवनावरील प्रेम तुमच्या उत्तम हेतू मध्ये, कृतीमध्ये , नवनिर्मिती मध्ये , व्यवहारामध्ये जाणवेल असे जीवन जगा . जीवन सुंदर आहे आणि जीवनात असामान्य संधी  उपलब्ध आहेत. जीवनाचा प्रत्येक क्षण त्या संधींच सोन करण्यासाठी व्यतीत करा  . तुम्हाला प्राप्त झालेल्या जीवनावर जीवापाड प्रेम करा आणि त्याला अधिक सुंदर करण्याचा आटोकाट प्रयत्न करा 

हे जीवन सुंदर आहे !!!!!!!!!!!!!!!!!!!!!!!!!!

आजचा दिवस वेगळा आहे !

जर जीवन चांगल आहे तर आजचा दिवसही चांगला  आहे. 
जर जीवनात अडचणी  असतील तर आजचा दिवस अडथळ्यांच्या पलीकडे जाऊन कृती करण्याचा व त्यातून अनुभव संपन्न होण्याचा आहे. 

तुमच्या समोर काहीही असले तरी आजचा दिवस वेगळा आहे.  आणि तुम्ही तो तुमच्या कृतीने आगळा वेगळा घालवण्याचा प्रयत्न करू शकता . 

तुमच भविष्य तुमच्या भूतकाळावर ठरत नसून ते तुमच्या भविष्यातील अपेक्षांवर ठरत असते. आज तुम्ही  एका उच्च पातळी  पर्यंत  त्या अपेक्षांची कल्पना मनात द्रुढ केली पहिजे. आजचा  दिवस हा अनेक आव्हानांनी आणि सचोटीने परिपूर्ण आहे.  अशा आव्हानांचा सामना करण्याचा संकल्प करा आणि त्यातून मार्ग काढा . 

आजचा  दिवस वेगळा आहे !त्याला  एका योग्य  विचाराने, औत्सुक्याने , शिस्तबद्ध रीतीने आणि आनंदाने जगण्याचा अधिकार तुमचा आहे.  

आजचा दिवस वेगळा आहे ! त्याला आपल्या कर्तुत्वाने अविस्मरणीय बनवूया! 

शुभ दिवस!

परिस्थिती

तुमची परिस्थिती हा तुमचा परिचय नाही किंवा तुमची परिस्थिती कोणत्याही कारणांनी तुम्हाला अडवत नाही     परिस्थिती बदलण्याची ताकद तुमच्यात आहे. आपल्या ध्येयावर लक्ष केंद्रित करून आणि निष्ठेने तुम्ही तुमची परिस्थिती बदलू शकता . जीवनाचा परिपूर्ण आनंद घेण्यासाठी 

तुम्ही बदल घडवू शकता, नवीन गोष्टी निर्माण करू शकता, प्रगती साधू शकता . 

केवळ , हे सोपं कि हे अवघड , योग्य कि अयोग्य, शक्य कि अश्यक्य  याचा तर्क करून परिस्थिती बदलणार नाही . त्यापुढे जाऊन पाऊल टाका . तुमच्या जीवनासाठी जे काही योग्य आहे  ते करा !तुम्ही एका मोठ्या लवचिक उर्जेच्या जगात जगत  आहात . ती अशी उर्जा आहे जी तुम्ही तुमच्या हिताकरिता योग्य रीतीने वापरून प्रगती साधू शकता .  तुमची परिस्थिती तुमचा ताबा घेण्याआधी तुम्ही परिस्थितीचा ताबा घ्या . सतत नवीन संधींचा उपयोग करून घ्या , नवीन गोष्टी निर्माण करण्याचा ध्यास घ्या . तुमच्या परिस्थितीला कारण न ठरवता तिला प्रगतीची सुरवात समजा . तुमच्यातील "स्व" ला जागृत करून परिस्थितीवर मात करण्याची जिद्द बाळगा !