नात तुझ नि माझं

Friendship

 नात तुझ नि माझं ,अतिशय जिव्हाळ्याच 

दूर असूनही मनानी जवळ राहायचं 

कळत नकळत एकमेकांसाठी झुरायचं 

तरीही प्रत्येक यशात आणि अपयशात 

एकमेकाला सावरायचं ,

मनातल्या जपलेल्या क्षणांना ओठावर 

येऊ नाही द्यायचं 

फक्त त्यांना मनोमन आठवून 

आनंदाने बहरून जायचं 

कोणतीही अपेक्षा, कोणतीही आशा न 

ठेवता , एकमेकांसाठी देवा कडे मागणं 

मागायचं 

कुठेही असलो तरी मैत्री साठी 

सर्वस्व पणाला लावायचं !!

--क्षमा 

अग्रक्रम

जीवनात अग्रक्रम कोणत्या गोष्टीना द्यावा हे सर्वस्वी आपल्यावर अवलंबून असते.  स्वतःहून एखादी जीवन पद्धती अवलंबणे आणि कुणाच्या भयाने एका विशिष्ठ जीवन पद्धतीत सतत जगत राहणे यात फार मोठा फरक आहे. जीवनात बंधन , त्याग या सारख्या गोष्टी योग्य ठिकाणी आपणहून स्वीकारल्या गेल्या पाहिजेत.कुणाला घाबरून किंवा कुणावर अवलंबून असल्यामुळे 

त्या स्वीकारल्या गेल्यास एक दिवस त्याचे रुपांतर अयोग्य जीवन शैलीत होते आणि त्याचे दूरगामी परिणाम भोगावे लागतात. 

तडजोड

कठीण असत भावनांना मुरड घालणं , 
कठीण असत वेळ प्रसंगी त्याग करणं 
कठीण असत फळाची अपेक्षा न करता कष्ट करत राहणं , 
या सगळ्याला लागते सातत्य आणि एकनिष्ठतेचि जोड, 
तरच सर्वार्थाने करू शकतो आपण जीवनाशी तडजोड.