गरिबी आणि श्रीमंती

Sun & Rain

जीवनात गरिबी आणि श्रीमंती हा उन पावसाचा खेळ आहे .  गरिबी जीवन घडवायला शिकवते तर श्रीमंती जीवन जगायला शिकवते. 

गरिबीत सांभाळलेला प्रामाणिकपणा  श्रीमंतीत सन्मान,आदर मिळवून देतो .  गरिबी आणि श्रीमंती ह्या जीवन चक्राशी निगडीत गोष्टी आहे. 

या दोन्ही परिस्थितीत आपल्याला सतत साथ देते ते आपले आरोग्य / आपली तब्बेत ! 

गरिबीत आपण प्रयत्नपूर्वक मन शांत, समाधानी  आणि प्रसन्न ठेवून 

स्वतःच्या आणि आपल्या बरोबार्च्यांच्या तब्बेतीची नकळत काळजी घेत असतो . 

व्यायाम करून आरोग्य उत्तम ठेवण्यासाठी प्रत्येक वेळी पैशांची 

आवश्यकता नसते तर आरोग्यदायी जीवन जगण्याची तळमळ आणि इच्छा असण्याची गरज असते .

 वाईट परिस्थितीत स्वतःला आणि परिवाराला दुक्खी करण्यापेक्षा , असेल त्या परिस्थितीत सर्वांचे आरोग्य / स्वास्थ्य (मानसिक आणि शारीरिक ) कसे उत्तम राहील या कडे लक्ष देणे फार गरजेचे असते . असे आरोग्याच योग्य विचार,  योग्य निवड आणि परिस्थितीला सामना करण्यासाठी  लागणारी उर्जा आपल्याला पुरवत असते आणि त्याच जोरावर आपण आपले जीवन सोपे करू शकतो .  

गरिबीत घेतलेली तब्बेतीची काळजी नवीन स्वप्ने 

पूर्ण करण्यासाठी आणि त्यासाठी लागणारे प्रयत्न , धाडस , निर्भीडता वाढवण्यासाठी मदत करते तर श्रीमंतीत असे उत्तम आरोग्य अनेक गोष्टींचा तर तम भाव सांभाळून आनंदी जीवन उपभोगायची संधी देते. प्रत्येक दुक्खाच्या चक्रा  नंतर एक सुखाचे चक्र सुरु होते या वर विश्वास ठेवला तर मला वाटत समोर येईल त्या परिस्थितीला आपले वैयक्तिक आरोग्य सांभाळून आपण सहज सामोरे जाऊ शकतो . म्हणूनच आरोग्य हि सुखाची गुरुकिल्ली आहे आणि तीच खरी श्रीमंती आहे . 

प्रवासी मोबाईल चार्जर

Smart Charger

प्रवास हा माझा आवडता छंद आहे आणि तुमचाही असेलच यात शंका नाही . प्रवास 

मग तो काही तासांचा असुदे किंवा काही दिवसांचा / जवळचा असुदे किंवा लांबचा पण 

अशा प्रवासात  काही ठराविक वस्तू आपल्याला नेहमीच जवळ ठेवाव्या लागतात

त्यातलाच एक म्हणजे आपला मोबाईल आणि त्याचा चार्जर .  मोबाईल हि आज 

काल  तहान भुके इतकीच गरजेची वस्तू आहे परंतु ती वस्तू फक्त जवळ असून भागत 

नाही तर अशा मोबाईलची Battery  कायम पूर्ण चार्ज असणे गरजेचे असते .  चार्जर जवळ 

असला तरी मोबाईल आपण एक तर आपल्या कार  मध्ये चार्ज करू शकतो किंवा 

हॉटेल मधल्या रूम मधे . पण विचार करा प्रवास करताना आपण कोणत्याही कारणाने 

अशा ठिकाणी अडकलो जिथे स्वताचे वाहन नाही आणि लवकर पोचणे शक्य नाही आणि 

तशातच मोबाईल पूर्णपणे डिसचार्ज झाला . 

याच विचारातून या  मोबाईल चार्जर चा  जन्म झाला असावा असं वाटल .  मी हा चार्जर 

जेव्हा पहिल्यांदा  पहिला तेव्हा माझा विश्वासच बसेना पण आता तो वापरायला लागल्या 

पासून त्याचे अनेक फायदे माझ्या लक्षात आले आहेत 

* हा चार्जर मी माझ्या पर्स मध्ये कॅरी करू शकते . आणि पर्स मधेच मोबाईल चार्जिंग ला लावू शकते 

* मोबाईल चार्ज होताना जर कॉल आलाच तर चार्जर सहज वेगळा करून बोलू शकते व परत 

लगेच चार्जिंग ला लावू शकते 

* हा चार्जर आणि चार्जिंग ला लावलेला फोन दोन्ही सहज हातात घेऊन मी कुठेही फिरू शकते 

* कोणत्याहि प्रवासात मला कोणत्याही परीस्थितीत या मुळे फोन चार्जिंग ची काळजी वाटेनाशी झाली आहे 

मी खरच या चार्जर च्या खरेदी मुळे फारच खुश आहे । तुम्ही हि वापरता का असा चार्जर?

अमर्याद ~~

आयुष्यातल्या सर्वोत्तम गोष्टींच वर्णन तुम्ही कस कराल? आपल्या आयुष्यातील सर्वोत्तम गोष्टी 

ह्या अमर्याद असतात .  उदाहरणच द्यायच झाल तर आपली कल्पनाशक्ती … ती कधीच संपत 

नाही उलट ती आपण जितकी जास्त वापरू तितकी तिची ताकद आणि व्याप्ती वाढतच जाते . 

तसच प्रेमाचही आहे , तुम्ही जितक जास्त निरपेक्ष प्रेम द्याल तितक जास्त ते तुमच्या आयुष्यातही 

वाढत जाईल . प्रामाणिक पणाने आयुष्य जगलात तर तुमची प्रामाणिक वृत्ती वाढतच रहिल. 

इतरांना आनंद द्यायचा प्रयत्न करा तुमच्या आयुष्यात आनंदाला पारावर उरणार नाही . 

या प्रमाणेच धैर्य , सभ्यता ,दया , शांती , विश्वास , मैत्री यांचाही विचार आपण करू शकतो. 

जितकी जास्त निष्ठा तुम्ही या सर्व गोष्टींवर ठेवाल तितकीच जास्त उत्तम उर्जा तुमचे जीवन 

व्यापून टाकेल . 

आयुष्यात आपण बरेच वेळा या सर्व गोष्टीन कडे सहज दुर्लक्ष करतो किंवा त्यांना मूर्ख पणाचे 

समजतो परंतु आयुष्यातल्या या उत्तम गोष्टी अमर्याद   आहेत .  त्या कधीही नष्ट होत नाहीत 

किंवा संपत नहित.  तुम्ही जितक्या उत्तम प्रकारे त्यांच्यासह  जीवन जगाल , तितक्याच 

त्या वाढत जाणार आहेत. 

खरतर  आयुष्यातल्या उत्तम गोष्टी ह्या महागड्या नसून सहज , सोप्या आणि  सुखद असतात 

हे नक्कि. 

जरा विचार करा

नैराश्य हे दुसरे तिसरे काही नसून एक विचार आहे.  एक असा विचार ज्यावर तुम्ही ठाम 

राहिलात तर तुमच्या जीवनातील एका   सुंदर दिवसाच रुपांतर  एका वाईट अनुभवात होत. 

काळजी हाही एक विचारच आहे , असा विचार जो  तुम्हाला एका कैदया प्रमाणे जखडून ठेवतो. 

विश्वास आणि निर्धार हेही विचारच आहेत ज्यात तुम्ही स्वतः ला झोकून दिलत तर तुम्ही 

तुमच ध्येय साध्य करू शकता.   आनंद हा हि एक  विचार आहे आणि तो  जितका जास्त 

मनात राहील तितकच जीवन सुखमय आणि परिपूर्ण होइल.  आनंदी राहणं, अत्माविशास 

बाळगणं, निर्धाराने पुढे जात राहणं , मनः शांती ढळू न देणं ह्या सहज अंगीकारता येणाऱ्या 

गोष्टी आहेत . 

 जर तुमच्या मनाचा गोंधळ उडाला असेल, तर तुम्हाला कदाचित हे मुर्ख पणाच वाटेल , परंतु 

स्वतः ला विचारून पहा कि तुम्हाला या गोंधळातच अडकून राहायचा आहे कि यातून बाहेर 

पडून नवीन विश्वासाने आणि ताकदीने पुढे जायच आहे?

तुमचे विचारच , तुमची कृती ,तुम्हाला मिळणारी फळं (Results) आणि तुमचा जीवन प्रवाह 

ठरवत असतात . आणि तुम्हाला खरच काय व्ह्यायचं आहे त्यावर तुमचे विचार अवलंबून असतात . 

जरा विचार करा तुम्हाला काय व्ह्यायचं आहे?

विश्वासाने जगा !

Anand

जगातील खरा चांगुलपणा तुमच्यातच सामावलेला आहे. त्या चांगुलपणावर विश्वास ठेवा . 

जीवनाचा खरा आनंद तुमच्यातच सामावलेला आहे त्या आनंदावर विश्वास ठेवा. जीवन उत्तम जगण्याची खरी ताकद तुमच्यात आहे. तुमचा चांगुलपणा , आनंदी स्वभाव आणि उत्तम हेतू यातून तुम्ही जीवनात नाविन्यपूर्ण  सकारात्मक बदल घडवू शकता हे जग स्वर्गाहून सुंदर करण्याची जबाबदारी आपली आहे.  तुमच्या कृतीतून /व्यवहारातून तुमच्यातील चांगुलपणा प्रतीत होणे गरजेचे आहे. तुम्ही स्वतःच एक आदर्श ठरण्याचा प्रयत्न करा तुमचे जीवनावरील प्रेम तुमच्या उत्तम हेतू मध्ये, कृतीमध्ये , नवनिर्मिती मध्ये , व्यवहारामध्ये जाणवेल असे जीवन जगा . जीवन सुंदर आहे आणि जीवनात असामान्य संधी  उपलब्ध आहेत. जीवनाचा प्रत्येक क्षण त्या संधींच सोन करण्यासाठी व्यतीत करा  . तुम्हाला प्राप्त झालेल्या जीवनावर जीवापाड प्रेम करा आणि त्याला अधिक सुंदर करण्याचा आटोकाट प्रयत्न करा 

हे जीवन सुंदर आहे !!!!!!!!!!!!!!!!!!!!!!!!!!

उत्सव प्रेमी भारतीय!

Festivals

आपण भारतीय उत्सव प्रेमी माणसे आहोत यात शंका नाही. आणि अशा 

उत्सवांचा आनंद छोट्या/मोठ्या सर्व कार्यक्रमांतून आपण लुटत असतो. 

घरातील सण/समारंभ/धार्मिक कार्यक्रम हे जीवनाचा अविभाज्य भाग आहेत आणि ते ठराविक पद्धतीने साजरे होतात. परंतु जेव्हा सामाजिक कार्यक्रमात किंवा कार्यालयीन कार्यक्रमात आपण सहभागी होतो त्यावेळी अशा कार्यक्रमांचा अनुभव प्रत्येक वेळी वेगळाच असतो.  प्रत्येक वेळी विविधता असते, सहभागी होणारी माणसे वेगळी असतात, सतत नाविन्य राखण्यासाठी नवनवीन कल्पना राबवल्या जातात. मुख्य म्हणजे प्रत्येक वेळी अशा कार्यक्रमांतून नवीन गोष्टी शिकण्याची संधी मिळते. आपल्या आसपास असणाऱ्या आणि आपण ज्यांना उत्तम ओळखतो अशा माणसांच्यातील सुप्त गुणांची ओळख आपल्याला खर्या अर्थाने अशा कार्यक्रमातून होत असते. काही वेळा असे कार्यक्रम आपल्यालाही आपल्यातील काही गुणांची नव्याने ओळख करून देतात आणि एक अनाहूत आनंद देऊन जातात.अशा गोष्टी करत असताना मिळणारे प्रोत्साहन, शाबासकीची थापही मनुष्याचे आयुष्य बदलू शकते, त्याचा आत्मविश्वास नव्याने वाढवत असते.  तुम्हीही एखाद्या सामाजिक कार्यात योगदान देत असाल किंवा कार्यालयीन कामा व्यतिरिक्त कार्यालयात होणार्या इतर कार्यक्रमात तुमचा सहभाग असेल तर तुम्हाला नक्कीच असे अनुभव वारंवार येत असतील. तुमचे अनुभव प्रतिक्रियेच्या स्वरुपात नक्की सांगा!

जीवनाची नौका

वादळात सापडलेली नौका प्रत्येक वेळी बुडतेच असे नाही 
नाविकाचा संयम आणि नौकेची वादळाला झेलण्याची शक्ती 
त्यात पणाला लागते. जीवनही काहीसं असच आहे. आपल्या 
जीवन नौकेचे आपणच नाविक आहोत , संयमी वृत्ती आणि 
आंतरिक शक्तीच्या बळावर आपण जीवनातील अनेक वादळे 
न मोडता आणि न डगमगता सहजी परतवू शकतो. त्यासाठी 
लागतो फक्त विश्वास , स्वतः बद्दलचा आणि त्या अज्ञात शक्ती 
वरचा जी या चराचरा ची काळजी घेते.