क्षमा

आपण बर्याचदा आपल्या आस पास वावरणाऱ्या व्यक्तींना 
गृहीत धरत असतो आणि नकळत त्यांच्या कडून ठराविक 
गोष्टींची / प्रतिक्रियांची अपेक्षा करत असतो. परंतु काही वेळा 
आपल्याला आपल्या अपेक्षेपेक्षा फारच वेगळे अनुभव येतात 
आणि आपण गोंधळून जातो, त्रास करून घेतो किंवा इतरांना
त्रास देतोही. खरे पाहता या गैरसमजाची सुरवात आपण आपल्या
पासूनच केलेली असते. प्रत्येक व्यक्तीला एक स्वतंत्र अस्तित्व आहे आणि काळानुरूप/अनुभावानुरूप त्याचे विचार आणि प्रतिक्रिया बदलू शकतात याचा विचार आपण कधीही केलेला नसतो. त्यामुळे सतत इतरांना गृहीत न धरता बदललेल्या परिस्थितीला सहजतेने स्वीकारून प्रसंगावधान ठेवायला शिकणे गरजेचे आहे